Кукмарада «Лада» автомобиле «зебра»да хатын-кызны бәрдергән

Кукмарада “Лада” автомобиле “зебра”да хатын-кызны бәрдергән. Бу хакта район Дәүләт автоинспекциясендә хәбәр иттеләр.

Юл фаҗигасе 1 ноябрьдә сәгать 13.40та Кукмараның Гагарин урамында була. Беренчел мәгълүматлар буенча, Лада Веста автомобиле шоферы җәяүлене бәрдергән. 1948 елгы хатын-кыз “зебра” аша чыга торган була.  

Бәхетсезлек очрагында зыян күргән өлкән яшьтәге хатын-кызны Кукмара районы үзәк дәваханәсенә алып киләләр, анда аңа медицина ярдәме күрсәтелә.

«Кукмор Татарстан» МАКС каналына язылыгыз