Кукмара туган төбәкне өйрәнү музеенда “Хәтер маршы” узды (фото)

 9 ноябрь көнне Кукмара туган төбәкне өйрәнү музеенда Казан шәһәренең Михаил Черепанов җитәкчелегендәге “Хәтер” төркеме белән берлектә “Хәтер маршы” узды. Очрашуда Михаил Черепанов Бөек Ватан сугышында хәбәрсез югалган райондашларыбызның туганнарына хәбәр итү кәгазьләре тапшырды. Сугышта хәбәрсез югалган туганнары турында мәгълүмат алырга теләге булган кешеләр бихисап җыелды. Музейга килгән һәркем үзенең соравына җавап алып китте. Бу очрашу кич белән Олыяз урта мәктәбе базасында дәвам итәчәк.