Кукмара районында яшәүче бер кеше ату коралын законсыз саклаган өчен хөкем ителде

Шушы көннәрдә Кукмара районы суды 42 яшьлек ир-атны законсыз рәвештә утлы корал саклауда гаепле дип тапкан.

Полиция хезмәткәрләре тарафыннан ачыкланган һәм тартып алынганчы, Кукмара районында яшәүче бер ир-ат үз хуҗалыгының сараенда ату коралын сатып алу, саклау һәм йөртү өчен тиешле рөхсәте булмаган килеш завод ысулы белән ясалган сугыш кирәк-яраклары - патроннарны законсыз рәвештә саклаган.

Суд утырышында хөкем ителүче үзенә белдерелгән гаепләү белән килешүен раслаган.

Эшнең барлык шартларын исәпкә алып, суд аңа сынау вакыты белән шартлы рәвештә 6 ай ирегеннән мәхрүм итү җәзасын билгеләде.

Хөкем карары законлы көченә керде.

Фото: «Татар-информ» МА