Кукмара районында Covid-19 белән зарарлануның бер очрагы ачыкланган

Татарстанда тәүлек эчендә ачыкланган 49 яңа коронавирус очрагының берсе Кукмара районында теркәлгән. Бу хакта ТРда коронавирус буенча оператив штаб хәбәр итә.

Казанда – 25, Нурлат районында коронавирус белән зарарлануның 5 очрагы ачыкланган, Биектау һәм Лаеш районнарында - өчәр, Әлки, Баулы, Минзәлә районнарында – икешәр, Яр Чаллыда, Азнакай, Югары Ослан, Кайбыч, Кукмара, Түбән Кама, Питрәч районнарында – берәр очрак.

Бөтен вакыт эчендә республикада 18 131 коронавирус очрагы теркәлгән, 14 783е терелгән, 91е узган тәүлектә.

фото: «Татар-информ» МА