Кукмара районында бакча йорты янган

Кукмара районында бакча  йорты янган. Бу хакта Кукмара районының 117нче янгын сүндерү-коткару часте хәбәр итә.

9 май көнне көндезге сәгать икедә 117нче янгын сүндерү-коткару частеның элемтә пунктына Сәрдәүч авылының Островский урамында янгын чыгуы турында  хәбәр килеп ирешә. 

Янгын сүндерү подразделениеләре оператив рәвештә урынга чыгып китә. Аларны торак пунктта яшәүчеләр каршы ала һәм бакча йорты эчендә кешеләр юк, дип хәбәр итә. Хәзерге вакытта анда берәү дә яшәми торган була. 

Ут тулысынча йортны колачлап ала. 

Нәтиҗәдә 35 квадрат метр мәйданда йорт яна.

Фото: 117нче янгын сүндерү-коткару часте