Кукмара районында алты кешедә коронавирус очрагы ачыкланган

Татарстанда узган тәүлектә коронавирусның 297 яңа очрагы ачыкланган. Бу хакта ТРда коронавирус буенча оператив штаб хәбәр итә.

11 кеше чирне читтә йоктырып кайткан, калганнары якыннан аралашканда йоктырылган. 40 кеше дәваханәгә салынган, 257 кеше өйләрендә дәвалана.

Казанда - 126, Яр Чаллыда – 46, Яшел Үзән районында – 20, Чистай районында – 12, Түбән Кама районында – 8, Нурлат, Лаеш районнарында - 7әр, Кукмара, Балык Бистәсе, Тукай районнарында – алтышар, Балтач, Биектау районнарында – бишәр, Минзәлә, Зәй, Алабуга, Әлмәт районнарында – дүртәр, Азнакай, Лениногорск районнарында – өчәр, Апас, Бөгелмә, Кама Тамагы, Мамадыш, Питрәч, Спас районнарында -икешәр, Саба, Мөслим, Югары Ослан, Әтнә, Әгерҗе районнарында – берәр авыру очрагы ачыкланган.

Бөтен вакыт эчендә Татарстанда Covid-19ның 45 525 очрагы теркәлгән, 38 302 кеше терелгән, шул исәптән 55 - узган тәүлектә.

фото: Кукмара ТВ