Кукмара район эчке эшләр бүлеге начальнигы “Подписка бүләк ит” акциясендә катнашты

Алдагы еллардагы матур традицияне дәвам итеп, район эчке эшләр бүлеге начальнигы Рамил Нургалиев быел да “Подписка бүләк ит” акциясендә катнашты. Ул Мәчкәрә коррекция мәктәбен 2018 елның икенче яртыеллыгына“Хезмәт даны” газетасына яздырды.

-Район газетасы безнең мәктәптә һәрвакыт көтеп алынган кунак, - диде Мәчкәрә коррекция мәктәбенең директор урынбасары Роза Сабитова. – Аны беренче битеннән алып, ахырына кадәр укып чыгабыз, райондагы яңалыклардан хәбәрдар булырга тырышабыз. Сыйныф сәгатьләре вакытында да бик теләп файдаланабыз.
“Подписка бүләк ит” акциясендә теләге булган һәркем катнашып, бүләккә газетага яздырта ала.

автор фотолары