Хезмәт даны
  • Рус Тат
  • Кукмара китапханәсендә узган фестивальдә балалар үткәнгә сәяхәт кылды

    Поликультура фестивале татар һәм мари халкының гореф-гадәтләрен һәм мәдәниятен тулысынча берләштерде.

    Кукмарада Татарстан Республикасында Туган телләр һәм Халык бердәмлеге елына багышланган «Үткәнгә сәяхәт» дигән балалар фестивале узды, дип хәбәр иттеләр район үзәк китапханәсендә. Халык мәдәнияте фестивален үткәрүнең башлап йөрүчесе - Кукмара шәһәренең 6нчы номерлы «Салават күпере» балалар бакчасы. Фестивальгә Әсән-Елга һәм Починок Кучук авылының аз комплектлы балалар бакчалары да кушылды.

    «Үткәнгә сәяхәт» дигән матур поликультура фестивале татар һәм мари халкының гореф-гадәтләрен һәм мәдәниятен тулысынча берләштерде, ди китапханәчеләр. Балалар кунаклар игътибарына «Солдат озату», «Аулак өй», «Беренче яфрак бәйрәме - Семык» йолаларын тәкъдим иттеләр. Матур фольклор костюмнары, халык көйләре әлеге чараны тагын да ямьләндерде.

    Жюри әгъзалары: «Халыклар дуслыгы йорты» житәкчесе Гөлнара Гареева, 6нчы номерлы «Салават күпере» балалар бакчасы мөдире Лилия Каюмова, Кукмара муниципаль районы китапхәнәсе методисты Рушания Измайлова, фестивальгә әзерлекне югары бәяләделәр, балаларның туган телен, үз мәдәниятләрен яхшы белүләрен билгеләп үттеләр.

    Реклама

    Китапханәче фирдания Фирдания Закирова балаларга матур презентация ярдәмендә Кукмара районы территориясендә яшәүче халыкларның тарихы турында сөйләде, районның күренекле кешеләре белән таныштырды.

    Фестиваль нәтиҗәләре буенча Кукмара шәһәренең 6нчы номерлы «Салават күпере» балалар бакчасы «Солдатка озату» йоласын күрсәтеп җиңүче булды. Әсән-Елга һәм Починок Кучук авылы балалар бакчалары әлеге чараның призерлары дип танылды.

     

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: