Түбән Арбаш клубында “Тормышка мәдхия” дигән музыкаль кичә узды

Инвалидлар ункөнлеге кысаларында Түбән Арбаш клубында "Тормышка мәдхия" исемле әдәби музыкаль кичә үткәрелде. Китапханәче Рима Хисамова кичәгә килгән кунакларны тормыш сынаулары алдында югалып калмаска өндәп, мөмкинлекләре чикле булган язучылар Фәнис Яруллин, Гакыйль Сәгыйров, Рәниф Шәриповларның тормыш юллары һәм иҗатлары белән таныштырды. Кичәдә инвалидлар һәм ветераннар советы рәисе Рашат Хәлиуллин катнашып, үзенең изге теләкләрен белдерде. Бәйрәм мәктәп балалары һәм мәдәният хезмәткәрләре тарафыннан оештырылган матур концерт белән дәвам итте һәм чәй табыны артында төгәлләнде.