Кукмарада “Җыр белән хезмәтне бәйләп” дигән район фестивале узачак

Районның мәдәни һәм рухи тормышын җанландыру, халыкның буш вакытын файдалы үткәрүгә уңай шартлар булдыру, буыннар арасындагы бәйләнешне нытыгу, производство коллективлары, оешмалар, учреждениеләр, мәктәп һәм балалар бакчалары хезмәткәрләренең иҗади талантларын барлау максатыннан "Җыр белән хезмәтне бәйләп" дигән район фестивале үткәрелә. Анда районның һәр хезмәт коллективы катнаша. Концерт программасына сәхнә сәнгатенең һәр җанры: халык һәм эстрада җырлары, хор, ансамбль чыгышлары, хореография, нәфис сүз, скетч, юмор, пародияләр кертелә.

Фестиваль ике турда үткәрелә:

1 тур - график нигезендә март аеннан май аена кадәр.

2 тур - йомгаклау - Гала концерт - май аенда.

Һәрбер чыгыш район Мәдәният йортында 19 сәгатьтә башлана.