Мәмәширдә яңа мәдәният йорты ачылды (+Фото)

Бүген Мәмәшир авылында сөенечле вакыйга булды - яңа мәдәният йорты үзенең ишекләрен ачты. Әлеге бина үз эченә фельдшер-акушерлык пункты, китапханәне дә ала. Шулай ук авыл җирлеге башлыгының да эш бүлмәсе шунда. Мәмәширлеләрнең шатлыгын район җитәкчесе Сергей Димитриев та уртаклашты.

-Мәдәният йортыбыз бик иске, 1936 елда ук салынган иде. Монысы менә дигән, сөенеп бетә алмыйбыз. Әлеге бина буш тормасын, чын мәгънәсендә мәдәният учагына әверелсен иде, - ди Мәүлит Шакиров.

Бинаны Расих Шакироов җитәкчелегендәге "Промкомбинат" төзелеш оешмасы сафка бастырган. Җирлек башлыгы Илгиз Әхмәтҗанов, клуб мөдире Рузилә Мотыйгуллиналарның, авыл халкының да төзүчеләргә рәхмәтләре зур.