Кукмарага Венгриядән буаз таналар кайтуы көтелә

Шушы көннәрдә Вахитов исемендәге хуҗалыкка Венгриядән 132 буаз тана кайтуы көтелә. Шул уңайдан Вахитов исемендәге хуҗалыкка, тәҗрибә уртаклашу максатында, Венгриядән кунаклар килеп китте. Делегация составында "Мегаполис" җәмгыяте директоры Пинтер Тибор, "Кишкун" җәмгыяте директоры һәм ветеринария табибы Надь Янош, Татарстанның Венгриядәге вәкиле Розалия Денисовалар бар иде. Алар Вахитов исемендәге хуҗалыкның мегафермасында, Кукмара аграр көллиятендә, Пчеловод авылындагы сэндвич-панельләр заводында, "Восток" җәмгыятендә, "Урал" хуҗалыгында булдылар һәм Янил авылында үткәрелгән милли бәйрәмебез Сабантуйда катнаштылар.