Кукмарада чыгарылыш кичәсе үтте

28 июньдә район мәктәпләрендә чыгарылыш кичәләре үтте. Шәһәребез мәктәпләренең чыгарылыш укучылары күппрофильле лицеенда тантанага җыелдылар. Артта – 11уку елы, имтиханнар уңышлы тапшырылган. Алда – яңа, олы тормыш.

- Мәктәп елларының артта калганына ышанасы да килми, - диде әти-әниләрнең берсе. – Әмма, хөрмәтле чыгарылыш укучылары, сезнең туган мәктәбегезне онытмавыгызны телибез. Сез анда чын дуслар таптыгыз, әһәмиятле дәресләр алдыгыз. Тормыш юлы буйлап ышаныч белән, кыю барыгыз, үзегезнең кече ватаныгызга лаеклы булыгыз. Сезгә сәламәтлек, иминлек, уңышлар телим. 

фото: Алсу Гатауллина/ "Хезмәт даны"