Кукмара районы делегациясе эш сәфәре белән Белоруссия Республикасына китте (фото)

Кукмара районы делегациясе эш сәфәре белән Белоруссия Республикасына китте. Алар анда Белорусссиянең авыл хуҗалыгы һәм азык-төлек министрлыгы җитәкчелеге белән очрашып, Кукмарадагы агросәнәгать комплексының торышы турында презентация күрсәттеләр. Шулай ук “Беренче номерлы Минск сөт заводы”, “Белсемена” республика берләшмәсе, Несвижск районының “Снов агрокомбинаты”нда эш барышы белән таныштылар, “Чишмә” татар-башкорт мәдәни мирасы” халыкара иҗтимагый оешмасы вәкилләре, Могилев шәһәренең башкарма комитет җитәкчесе урынбасары Руслан Страхар белән очраштылар һәм “Бабушкина Крынка” җәмгыятендә булдылар.