Торак-коммуналь хезмәтләр өчен алданрак түләүчеләргә ташлама ясарга телиләр

Торак-коммуналь хезмәтләр өчен алданрак түләгән гражданнар ташламага ия булырга тиеш. Бу хакта ТАСС агентлыгы яза. Федерация Советы әгъзалары намуслы түләүчеләргә ташлама ясау тәкъдимен кертергә тели, дип хәбәр иткән журналистларга Федерация Советының икътисади сәясәт рәисе урынбасары Виктор Рогоцкий.

"Әгәр аванс түләүләр булса, мондый кешеләргә, һичшиксез, ташлама булырга тиеш. Без Федерация Советында тиздән әлеге эчтәлектәге канун чыгару инициативасын кертеп караячакбыз. Ресурс белән тәэмин итүче оешмалар белән бу хакта сөйләштек, нигездә, алар да мондый адымга барырга риза", - диде Рогоцкий.

Сенатор билгеләп үткәнчә, кагыйдә буларак, безнең илдә мондый намуслы түләүчеләр булып өлкән буын вәкилләре тора, дип яза "Татар-информ".