Әсән-Елга китапханәчесе укучылар белән тәрбия дәресе уздырды (+фото)

Әсән-Елга авыл китапханәсе хезмәткәре Әлфинә Нафикова Пычак урта мәктәбенең 1-3 сыйныф укучылары өчен "Нәрсә ул яхшы һәм нәрсә ул начар?" дигән тәрбия дәресе үткәрде. Әлеге чара укучыларда начар гадәтләргә карата тискәре мөнәсәбәт тәрбияләү, яхшы буласы килү теләге уяту, яхшы күңеллелек, кешелеклелек сыйфатлары тәрбияләү максатыннан узыдрылды. Безнең татар халкы юкка гына "Яхшыдан үрнәк ал, яманнан гыйбрәт ал" дип әйтмәгән. Укучылар белән әдәпле кеше булып, бары тик яхшы гамәлләр генә кылып, үзеңнең якыннарың, дусларың турында кайгыртып, ярдәмләшеп яшәргә кирәклеге турында сүз алып барылды.