Район халкының үзмәшгульлеген тәэмин итү буенча Зур Сәрдектә җыелыш булды(+фото)

Зур Сәрдек авылы мәдәният йортында район башлыгы Сергей Димитриев җирлек башлыклары һәм үз эшләрен булдырырга теләгән шәхси ярдәмче хуҗалыклар белән очрашты. Район Башкарма комитеты җитәкчесенең беренче урынбасары Чулпан Хәнәфина халыкның үзмәшгульлеген тәэмин итү, шул максатка юнәлдерелгән дәүләт программалары, район ветеринария берләшмәсе җитәкчесе Рифат Кәримуллин терлекчелек турында чыгыш ясады. Зур Сәрдек авыл җирлеге башлыгы Фәнис Фәттахов җирлек халкының эшчәнлеге белән таныштырса, Туембаш авыл җирлеге башлыгы кече эшмәкәрлекне үстерү буенча тәҗрибә уртаклашу максатында, Мөслим, Минзәлә, Лаеш, Яшел Үзән районнарында булып кайтулары турында сөйләде.