Үлем белән кайда сәүдә итүләре хакында хәбәр ит

Татарстанда "Үлем белән кайда сәүдә итүләре хакында хәбәр ит!" Бөтенроссия акциясенең икенче этабы бара. Наркотиклар әйләнешен котрольдә тоту Федераль хезмәтенең ТР буенча идарәсендә "кайнар линия" эшли. Эш көннәрендә 9.00-18.00 сәгатьләрдә 8 (843) 274-31-03 номерына шалтыратып, наркополицейскийларга гына түгел, Эчке эшләр, Сәламәтлек саклау, Мәгариф һәм фән, Яшьләр эшләре, спорт һәм туризм министрлыклары вәкилләренә дә мөрәҗәгать итәргә мөмкин. Шулай ук телефон аша наркотик матдәләрнең законсыз әйләнеше, притоннар хакында хәбәр итәргә, наркотикларга бәйлелектән дәвалану буенча консуль тацияләр алырга була.Наркоконтрольнең ышаныч телефоннары тәүлек буе эшли: 8 (843) 274-30-30 һәм 273-43-45.

фото: http://школа-52-орск.рф/?p=1211