Кукмарада булган янгын турында тулырак мәгълүмат

7 мартта, кичке сәгать 20.42дә поселокның Насыйбуллин урамындагы хуҗалыкларның берсендә янгын чыгу хакында хәбәр иткән идек. Кукмара янгын-коткару частеннән алынган мәгълүматларга караганда, янгын чыккан хуҗалыкның өй, мунча, верандасы кара күмергә әйләнә. Шулай ук күршедәге ике катлы йортка да зыян килә, өйнең икенче катының стенасы яна. Бәхеткә каршы, янгында кешеләр зыян күрми.

Китерелгән матди зыян якынча 3 миллион сум.

Янгын чыгуның якынча фаразы: мичне салу һәм аннан файдалану кагыйдәләрен бозу.

Фото фаҗига урыныннан.