Кукмарада “Бердәм экология дәрес”ләре үтте

Районыбызның барлык белем бирү учреждениеләрендә Халыкара экологик белем бирү көненә багышланган "Бердәм экологик дәрес" дигән акцияләр узды. Үсеп килүче яшь буынның экологик белемен арттыруга юнәлдерелгән дәресләрдә сүз әйләнә-тирә мохитне саклау, туган як табигатенә сакчыл караш тәрбияләү хакында барды. Байлангар мәктәбендә узган экология дәресендә районыбызның "Россельхознадзор" инспекторлары Рифкат Галимуллин һәм Мөдәрис Фәттаховлар да катнашты. Дәрес барышында инспекторларның чыгышлары тыңланды, сораулар буенча фикер алышынды, "Экология һәм тормыш" дигән кинофильм күрсәтелде. Дәрестән соң укучылар "Мәктәпне чәчәкләргә күмик" дигән акциягә кушылып, клумбаларга чәчәкләр утырттылар.

фото: http://ekologi-smol.livejournal.com/