Кукмарада берәү больницаның балалар тудыру бүлегеннән ишекләр урлаган

19-25 июльдә район эчке эшләр бүлегендә 99 гариза һәм хәбәр кабул ителде, шуларның икесе җинаятьләр турында иде, дип хәбәр итә kukmor-ovd.ru сайты.

20 июль төнендә билгесез зат Купка авылындагы "РАЙПО" кибетенә керә һәм спиртлы эчемлекләр урлый. Полиция хезмәткәрләре тарафыннан каракның кем булуы ачыклана.

21 июль төнендә 19 яшьлек Кукмара кешесе район үзәк дәваханәсенең төзелеш эшләре алып барылучы балалар тудыру бүлегенә законсыз рәвештә үтеп керә һәм дүрт данә бүлмәара ишек урлый.

Әлеге чорда район территориясендә 16 юл-транспорт һәлакәте теркәлгән, аларда өч кеше зыян күргән. Төрле административ хокук бозулар өчен 137 кеше административ җаваплылыкка тартылган.

фото: http://yandex.ru/clck/jsredir?from=yandex.ru%3Bimages%2Fsearch%3Bimages%3B%3B&text=&