Кукмарада авария: “ВАЗ-21012” җәяүлене бәрдергән (+ФОТО)

Бүген, 11 мартта, иртәнге сәгать 6.50дә Кукмарада юл фаҗигасе булды. Поселокның Ленин урамында, "Звениговский" кибете каршында (элеккеге "Алсу" кибете) ВАЗ-21012 автомобиле җәяүлене бәрдерә. 1970 елгы хатын-кыз төрле тән җәрәхәтләре ала. Ул хәзерге вакытта район үзәк дәваханәсендә. Тикшерү, фаҗиганең сәбәпләрен ачыклау эшләре дәвам итә.

Һава торышы бер дә тотрыклы түгел. Әле кояш чыга, әле яңгыр явып, юллар бозлавыкка әйләнә. Көн үзәгендә көн җылытса да, иртә-кич бик салкын. Шуның өчен юлларда да бозлавык саклана. Җәяүлеләрнең дә, транспорт руле артына утыручыларның да юлларда игътибарлы һәм сак булуларын сорыйбыз.

Рамил НУРГАЛИЕВ, район эчке эшләр бүлеге начальнигы.

Фото с места происшествия. источник фото: http://www.16.mchs.gov.ru/operationalpage/operational/item/2604821/