Күппрофильле лицейда семинар-киңәшмә үтте (фото)

Күппрофильле лицейда район башлыгы Сергей Димитриев катнашында "Социаль челтәрләрдә балаларны зыянлы мәгълүматлардан саклау" дигән темага семинар-киңәшмә узды. Семинар-киңәшмәгә мәктәп директорлары, аларның урынбасарлары, психологлар чакырылган иде. Чарада район Башкарма комитеты җитәкчесе урынбасары Розалия Галиева, район эчке эшләр бүлеге начальнигы Рамил Нургалиев, прокурор Ришат Шакиров, Кукмара беренче гимназиясе, Олыяз, кичке мәктәп директорлары Васил Касыймов, Гомәр Хаҗиев, Салават Каюмовлар, "Форпост" оешмасы директоры Айгөл Сафина, Биектау районының Психологик-педагогик хезмәт психологы Резидә Гыймрановаларның чыгышлары тыңланды, темага кагылышлы видеороликлар күрсәтелде.