Компенсация түләнә

Эшкә яраксыз затларны караган өчен түләнә торган компенсация бер үк адрес буенча ягъни караучы белән каралучы бер үк тору урынында яшәмәсәләр дә түләнәме?

Р. ШИҺАПОВ, Кукмара

Эшкә яраксыз затлар кемнәр алар? Башта шуны ачыклап китик. Бу категориягә 1нче группа инвалид, 18 яшькәчә инвалид бала, 80 яше тулган өлкәннәр һәм табиб белешмәсе нигезендә ярдәмгә мохтаҗ кешеләр керә. Караучы белән каралучының бер урында яшәүләре һәм туган булулары таләп ителми. Бу чор гомуми эш стажына кертелә. Моннан чыгып, пенсия фонды хезмәткәрләренә эшкә яраксыз кешегә чыннан да хезмәт күрсәтелгәнен тикшереп, акт язу йөкләнгән. Эш яшендәге караучы итеп билгеләнгән затның кайда да булса эшләве ачыкланса, түләнгән барлык акча кире кайтарып алына.

Әлфинур САБИТОВА, район Пенсия фонды идарәсе башлыгы

фото: http://www.novoepokolenie.com/news/vihodnie-dni_1_11/?db=n&sheet=6