Иремель тавында тагын бер турист югалган

22 яшьлек Стәрлетамак кешесен эзлиләр, дип яза "Татар-информ".

Иремель паркы территориясендә югалган туристны эзләү оештырылган. Аның югалуы хакында хәбәр Башкортостанның хокук саклау органнарына 27 майда керә. Алдан фаразлар буенча, 25 май көнне 22 яшьлек яшь кеше үзенең Уфадан булган 18 яшьлек танышы белән икесе генә Чиләбе өлкәсенең Түлүк поселогыннан Иремель тауларына китә. Таудан төшкәндә алар юлны кыскарту өчен сукмактан читкә тайпылалар. Егет кыздан арткарак кала. Ә кыз Түлүк поселогына таба үзенең юлын дәвам итә. Әмма ул адаша, үзе генә төн куна. Иртә белән 26 майда ул поселокка чыга һәм Уфага кайтып китә. Хәзерге вакытта тикшерү, югалган егетне эзләү эшләре бара.

фото: http://yandex.ru/clck/jsredir?from=yandex.ru%3Bimages%2Fsearch%3Bweb%3B%3B&text=&etext=703.6vZOJ_2gj7mpJ5hc8ObnEZ9pl4S1-