Башкортстаннан Казанга килүче пассажир автобусы янып беткән

автор, 19 июль 2016 - 14:02

704

Татарстанда янгын чыгу сәбәбен тикшерәләр: кичә трассада Башкортстанның Күмертау шәһәреннән Казанга баручы пассажир автобусы янып беткән. Гадәттән тыш хәлләр министрлыгының Татарстан буенча Дәүләт баш идарәсеннән хәбәр итүләренчә, "Неоплан" пассажир" автобусының януы турында 3:13 сәгатьтә хәбәр ителә. Гадәттән тыш хәл М-7 трассасының 1134 нче чакрымында булган. "Сәламәтлегенә зыян килүчеләр һәм үлүчеләр...

"Сәламәтлегенә зыян килүчеләр һәм үлүчеләр юк", - дип җиткерә коткару хезмәте.

Автобус тулысынча янып беткән. Анда 35 пассажир, шул исәптән 4 бала да була. Аларны вакытлыча Актаныш районындагы Пучы авыл мәдәният йортына урнаштырып торалар.

Янгын транспорт чарасының төзексезлеге аркасында килеп чыккан дип фараз кылына. 1992 елгы транспорт иминиятләштерелгән. Зыян - 500 мең сум.

Пассажирлар башка автобус белән Казанга озатылган.

Интертат.ру

Следите за самым важным и интересным в Telegram-каналеТатмедиа

«Кукмор Татарстан» Telegram-каналга язылыгыз