Авыр тормыш хәленә юлыккан 50 гаилә "Тылсым"да исәптә тора

Эшсезлек, эчкечелек, җинаятьчелек арткан хәзерге кризис шартларында авыр тормыш ситуацияләренә юлыккан гаиләләр саны да арта бара. Аларда еш кына балаларны тәрбияләүгә игътибар җитми, балалар әти-әниләре тарафыннан физик, эмоциональ, психик җәберләүләргә дучар ителәләр. "Тылсым" халыкка социаль ярдәм күрсәтү үзәгендә әнә шундый 50 гаилә исәптә тора, аларда 122 балигь булмаган бала үсә. Үзәкнең социаль педагоглары, психологлары тәртипсез яшәү рәвеше алып барган һәм социаль яктан тотрыксыз гаиләләр белән даими эш алып баралар, бала тәрбияләү процессында килеп чыккан ситуацияләрдә әти-әниләргә психологик ярдәм күрсәтәләр. Бу хакта безгә "Тылсым" социаль ярдәм күрсәтү үзәгенең социаль педагогы Гөлирә Гыйләҗева хәбәр итте.

фото: http://www.penza.ru/news/all/p/441