Хезмәт даны
  • Рус Тат
  • Район башлыгы Рауил Рәхмәтуллин “Әсәнбаш” һәм “Дружба” агрофирмаларында кыр эшләренең барышы белән танышты (+фото)

    "Әсәнбаш" агрофирмасында 5900 гектарда сабан культуралары чәчеләчәк. Бу көннәрдә өч чәчү комплексы һәм бер гади чәчү агрегаты арпа белән борчак чәчүгә керешкән. 15 берәмлек техника чәчүгә җир әзерләүдә эшли. Ә күпьеллык үлән һәм уҗым басулары тулысынча тырмаланып, минераль ашламалар кертелгән. "Дружба" агрофирмасында исә сабан культуралары 4 мең гектарга якын мәйдан...

    "Әсәнбаш" агрофирмасында 5900 гектарда сабан культуралары чәчеләчәк. Бу көннәрдә өч чәчү комплексы һәм бер гади чәчү агрегаты арпа белән борчак чәчүгә керешкән. 15 берәмлек техника чәчүгә җир әзерләүдә эшли. Ә күпьеллык үлән һәм уҗым басулары тулысынча тырмаланып, минераль ашламалар кертелгән.

    "Дружба" агрофирмасында исә сабан культуралары 4 мең гектарга якын мәйдан биләячәк. Биредә дә ике чәчү комплексы арпа чәчүдә, 16 агрегат җир эшкәртүдә эшли. Басуларда эш иртәнге сәгать 5тән кичке сәгать 10га кадәр дәвам итә. Район башлыгы агрофирмаларда кыр эшләренең оешкан төстә баруын билгеләп үтте һәм башкарылган эшнең сыйфатлы булуын, хезмәт куркынычсызлыгы кагыйдәләренең төгәл үтәлүен, 20 майга кадәр чәчүне төгәлләү өчен хезмәт темпын арттыруны бурыч итеп куйды.

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: