Кукмарада сугышта һәлак булганнар истәлегенә чыршы үсентеләре утырттылар

Җиңү көне алдыннан Кукмарада «Хәтер бакчасы» акциясе узды. Анда район башлыгы Сергей Димитриев, район Башкарма комитеты җитәкчесе Азат Гарифуллин һәм башкалар катнашты. 

Чара кысаларында Атлас Булатов исемендәге парк янына  чыршы үсентеләре утыртылды. Һәр агач - тыныч тормышта яшәүчеләрдән Хәтер һәм рәхмәт символы.

Агач утыртуда районның яшьармиячеләре дә актив катнашты. Аларның сүзләренә караганда, бу акция генә түгел, ә ата-бабаларыбызның батырлыгын искә төшерү традициясе дә.

«Бу агачлар Ватаныбызны саклаучылар истәлегенә үсеп китсен иде. Без үсентеләр утыртырга булышып кына калмыйбыз, ә территорияне яшелләндерәбез. Алар бик тиздән үсеп китәчәк һәм әлеге чарада катнашуыбызны хәтерләтеп торачак. Мин бүгенге акциядә катнашуыма шатмын», - диде яшьармияче Михаил Волосов.

Фото: Алсу Гатауллина/ «Хезмәт даны»