Кукмарада “Кукмара чаңгысы-2017” узды (фотолар)

Бүген Кукмарадагы яңа чаңгы-роллер трассасында (Ринат Мөхәммәтшин исемендәге үзәк стадион артында) "ГТО фестивале" кысаларында массакүләм чаңгыда узышу - "Кукмара чаңгысы-2017" үткәрелде.

Бистәбездә, авылларда яшәүче спортчылар да мондый төр ярышлардан читтә калмадылар. Мәктәп укучыларыннан алып, муниципаль хезмәткәрләр, җитәкче урыннарда эшләүчеләр, ветераннар да басты чаңгы юлына. Ярышка килүчеләрне район башлыгы Сергей Димитриев сәламләде, үзенең изге теләкләрен ирештерде. Табигать-анабыз да, матур көн бүләк итеп, спорт сөючеләрне сөендерде.

Алсу Идрисова, Эльвира Мөбарәкшина фотолары