Кукмара районы башлыгы Бердәм тавыш бирү көнендә катнашты

Бу участокта барлыгы 1395 кеше теркәлгән.

Район башлыгы сүзләренә караганда, сайлауларга килү һәм гражданлык позициясен белдерү - һәр гражданинның бурычы.
"Сайлаулар һәр кешегә илебезнең киләчәге нинди булачагын хәл итү мөмкинлеге бирә. Безнең районда сайлаулар югары дәрәҗәдә, барлык куркынычсызлык чараларын үтәп узсын өчен бөтен шартлар тудырылды», - дип билгеләп үтте ул.

Кукмара районында сайлау участоклары сәгать 8.00дән 20.00 сәгатькә кадәр эшли. Быел сайлаучылар исемлегендә район буенча 39313 кеше исәпләнә, шуларның 524е үз тормышларында беренче тапкыр тавыш бирәчәк.
Участокларга керү юлында тән температурасын үлчиләр, биналарда антисептиклар, битлекләр, перчаткалар урнаштырылган.