Кукмаралылар: Ягодная урамында су кайчан булачак?

Кукмараның Җиләкле (Ягодная) урамында су кайчан булыр икән? Көз көне эшләнәчәк дигәннәр иде. 

Урам халкы

Сорауга район Башкарма комитеты җитәкчесе Азат Гарифуллин җавап бирде.

Җиләкле урамын су белән тәэмин итү эшен Республика Президентының районыбыз өчен раслаган сумма хисабына башлаган идек. Бүгенге көндә бу эшнең проекты ясалды, су торбалары сузылды. Скаважинасы Өлге ягында казылды. Ике чакрым ераклыктан суны “тартып китерәчәкбез”. Тауның иң өске өлешендә су резервуары урыннары билгеләнде. Киләсе елга бу эшне тәмамлау өчен, федераль бюджеттан  70 миллион  сум акча алдык.