Балалар фольклор коллективларының "Моңлы тамчы" республика фестиваленең беренчесе Кукмарада үткәрелүе очраклы гына түгел. Чөнки районыбызда гомер итүче татар, рус, удмурт, мари һ.б. милләт халкы дистәләгән еллар дәвамында үзара дус булып, бер-беренең традицияләренә карата хөрмәт белән яши. Татарстан халыкларының мәдәниятен, гореф-гадәтләрен саклаучы "Гырон Быдтон", "Семык" республикакүләм бәйрәмнәре дә районыбызда зурлап үткәрелә....
