Районыбызда спорт сөючеләр, бигрәк тә милли көрәш яратучылар өчен зур вакыйга булды - Зур Кукмарадагы "Ялкын" спорткомплексында район Башлыгының күчмә кубогына бәйге үткәрелде. Ул чын мәгънәсендә бәйрәм төсен алды дисәк тә ялгыш булмас, чөнки пәһлеваннар көч сынашканда, районыбызның үзешчән артистлары үзләренең матур чыгышлары белән тамашачыларның күңелләрен күтәрделәр.
