Сөт саву аппараты алучыларга субсидияләрне февральдә бирү мөмкинлеге булачак

Саву аппараты бәясенең 40 процентка якынын дәүләт субсидияли

Сыер саву аппаратлары сатып алган күп сыер асраучы хуҗалыкларга субсидия якынча февраль аеннан бирелә башлаячак. Бу хакта "Татарстан" радиосының "Туры элемтә" тапшыруында республика авыл хуҗалыгы һәм азык-төлек министры урынбасары Ришат Хәбипов белдерде. "Сөт саву аппараты сатып алучыларга чыгымнарның 40 процентка якынын дәүләт кире кайтарып бирә. Без әлеге эшне узган елда башкардык. Быелга исә бюджет әле тулысынча язылып, расланып бетмәгән. Татарстан Министрлар Кабинеты аны тулысынча раслаганнан соң, субсидияләр февраль аенда бирелә башлар дип уйлыйм", - диде урынбасар.

http://tatar-inform.tatar

фото http://incub.com