Дәфнә яфрагы - дәва

Соңгы елларда салкын тигәч, иренем бозылып (герпес дип тә әйтәләр) аптырый идем. Бервакыт танышым әйткән киңәшләрне истә тотып, дәфнә яфрагы белән дәвалана башладым. Нәтиҗәсе озак көттермәде, хәзер бу чирнең нәрсә икәнен дә оныттым. Газета укучылар белән дә уртаклашасым килә.

Көн саен уртача зурлыктагы дәфнә яфрагын бер стакан кайнар суда төнәтеп эчтем. Бер атна шулай, аннан соң көнаралаш эчәсе. Өченче атнада ике көнгә - бер тапкыр. Шуннан соң туктарга да була. Дәвам итсәгез, атнага ике тапкыр, иң соңгысында бер тапкыр эчәргә кала.

Дәфнә яфрагында вирусларны юкка чыгара торган матдә бар, ул шулай ук иммунитетны ныгыта.