Хезмәт даны
  • Рус Тат
  • Кукмаралылар балалар бакчасы, мәктәп, күпфатирлы йортларга җылы бирелүен көтә

    Көз җиткәч кенә газ мичен алыштырырга ниятләгән идек, һаман эшләтеп булмый, инде кичләрен суык үзен сиздерә башлады. Ашыгычлык белән йөн оекбашлар, киез итек-киез комбинаты юрганын тартып чыгардык. Телевизордан иртәнге "Манзара" тапшыруында мөлаем ханым "Башкалабызда балалар бакчаларына 18 сентябрьдән җылылык җибәрелде", - дип сөендерде. Шунда ук бер бала: -Бакчабызда җылы, өйдә...

    Көз җиткәч кенә газ мичен алыштырырга ниятләгән идек, һаман эшләтеп булмый, инде кичләрен суык үзен сиздерә башлады. Ашыгычлык белән йөн оекбашлар, киез итек-киез комбинаты юрганын тартып чыгардык.

    Телевизордан иртәнге "Манзара" тапшыруында мөлаем ханым "Башкалабызда балалар бакчаларына 18 сентябрьдән җылылык җибәрелде", - дип сөендерде. Шунда ук бер бала:

    -Бакчабызда җылы, өйдә суык, өйгә кайтасы килми, - дип, мөгаен, гомерендә беренче тапкыр интервью биргәндер.

    Бездә ничек микән дип, Кукмарадагы балалар бакчаларының хәлен белештек.

    -Әллә җылы бирергә булдыгызмы? - Һәр бакчада бу гамәлне түземсезлек белән көтүләрен бәян иттеләр. Балалар арасында борыннарын мышкылдата, йөткергәли башлаганнары да бар икән. -Вакыт инде, вакыт, тизрәк җылы бирә күрсеннәр иде. Бер авырып китсәләр - эш харап!

    Реклама

    Ә менә авырту балаларны тернәкләндерү үзәгендә үз котельныйлары булгач, төнгә җылы биреп алалар икән. Үзәктән җылытыла торган күпфатирлы йортларда да әлегә җылыны тансыклап яшиләр. Ә менә бер танышымның фатирында ике контурлы газ мичләре куелган:

    -Бездә җылы, кунарга безгә кил! - дип көлеп тора.

    "Әбиләр чуагы" җылысы озакка бармый шул, төннәрен көз үзен ныграк сиздерә. "Инженерлык челтәре" җылыту казаннарын әзерләп бетергән, газ ягарга рөхсәт алынган, җылыту системаларына су салып карый башлаганнар - шәт, күшегүдән туктарбыз.

    Казанлылар гына түгел, без дә җылылык яратабыз.

    Азат САБИТОВ

    фото: http://fedpress.ru/news/polit_vlast/reviews/saratovskie-vlasti-ne-sderzhali-obeshchanie-po-srokam-otopitelnogo-sezona

    Нравится
    Поделиться:
    Реклама
    Комментарии (0)
    Осталось символов: