Чүп ике атна ятты

"Саранлыкмы бу, әллә тәрбиясезлекме?" дип сорау биргән иде бер газета укучы. Бу уңайдан үземнең дә зарны җиткерәсе килә. Кукмараның Садовая урамында, инде ике атна чүпне алып китмиләр. Ә акчасын вакытында түләп барабыз, ай саен почта белән кәгазе килеп җитә. Күршемдә генә 80 яшьлек бер апа яши, аяклары авырта. Ул чүбен капка төбенә чыгарып куеп, килеп алмасалар, кире кертеп тилмерә. Ныклы тәртип кайчан урнашыр икән?!