Хикмәт нурлары

(Мәшһүр ислам галиме Әл-Газалиның

хикмәтле фикерләре)

* Өч нәрсәне башка өч нәрсә ярдәмендә табып була: котылуны сабырлык белән, дәрәҗәне юмартлык белән һәм җиңүне гаделлек белән.

* Өч нәрсәне югалтмас өчен башка өч нәрсәне сакла: намазны югалтмас өчен тәһарәтне, йөрәгеңне югалтмас өчен күзләреңне, башыңны югалтмас өчен телеңне сакла.

* Өч нәрсә томаналык, наданлык билгесе булып санала: күбрәк белгән кеше белән бәхәсләшү, гамәлдә тикшерелмәгән кешегә ышаныч белдерү, ир кешегә "мин хатын-кызның хәйләсеннән тулысынча имин" дип уйлау.

* Дүрт нәрсә ир кешенең сыртын сындырыр: дошманнар күплеге, әҗәтләрнең күп булуы, хатын-кызлар белән бик күп аралашу һәм начар хатын.

* Яхшы холыклы кешенең кәефе төшендә дә, өнендә яхшы була, чөнки аның сүзендә һәм гамәлендә булган нәрсә, гадәттә, аның фикерендә һәм төшендә була.

* Бозык күңелле, гөнаһлы кешеләр белән аралашудан читләшкән кешегә чиста күңелле, яхшы һәм намуслы кешеләр белән аралашуга юл ачылып торачак.