“Дуслык” кафесының тәмле ите

Яңа суйган сыер итен бер сантиметр калынлыкта итеп кисәбез. Махсус чүкеч белән итне ике яктан да төябез. Тоз, борыч сибеп, кызарганчы кыздырабыз. Аннан соң тирән савытка салып, лимон, су өстәп, 30-40 минут пешерәбез.

Шуннан соң табага тезеп куябыз. Өстенә суган белән кыздырган шампиньон гөмбәсе, пешкән кузаклы фасоль, кореяча кишер салып, майонез, уылган сыр сибәбез. Ит артык кызмасын өчен таба төбенә бераз су салабыз. Духовкада (180-200 градуста) 30 минут тирәсе пешерәбез.