Кукмарада “Тоннель” операциясе үткәрелде

Район ЮХИДИ хезмәтеннән алынган мәгълүматларга караганда, 21 июнь көнне 15.00 сәгатьтән 16.00 сәгатькә кадәр Кукмараның Октябрь урамында “Тоннель” операциясе үткәрелгән.

Тикшерү барышында биш хокук бозу очрагы ачыкланган. Бер йөртүчегә техник яктан төзек булмаган транспорт чарасы белән идарә иткән өчен беркетмә төзелгән, ике кеше куркынычсызлык каешын такмаган булган, тагын бер шоферга ОСАГО полисы булмаган өчен штраф салынган. Шулай ук тикшерү барышында исереклек билгеләре булган машина йөртүче дә ачыкланган.

Бер транспорт чарасы махсус стоянкага урнаштырылган.