Кукмарада үткәрелгән рейд вакытында ЮХИДИ инспекторлары исереклек билгеләре булган алты машина йөртүчене ачыклаган

13 августтан 19 августка кадәр Кукмара районы территориясендә ЮХИДИ хезмәткәрләре исерек килеш транспорт чарасы белән идарә итүче йөртүчеләр катнашында юл-транспорт һәлакәтләре санын киметүгә юнәлдерелгән дүрт рейд үткәрде.

Рейдлар барышында барлыгы 58 юл хәрәкәте кагыйдәләрен бозу очрагы ачыкланды. Шуларның алтысы - исереклек билгеләре булган килеш, берсе машина йөртү таныклыгыннан мәхрүм ителгән килеш транспорт чарасы белән идарә иткән. Аларның автомобильләре махсус стоянкага урнаштырылган.

Җинаятьләрне һәм административ хокук бозуларны профилактикалау һәм булдырмау максатларыннан, мондый чаралар даими рәвештә уздырылачак.