Кукмарада Бөтендөнья юл-транспорт һәлакәтләре корбаннарын искә алу көненә багышланган акция үткәрелде
19 ноябрь - Бөтендөнья юл-транспорт һәлакәтләре корбаннарын искә алу көне.
Кукмарада Дәүләт автоинспекциясе, “Юл хәрәкәте куркынычсызлыгы” учреждениесе хезмәткәрләре мәктәп укучылары, яшь юл хәрәкәтете инспекторлары, район «Алдынгылар хәрәкәте» вәкилләре, яшь армиячеләр белән берлектә Бөтендөнья юл-транспорт һәлакәтләре корбаннарын искә алу көненә багышланган истәлекле акция үткәрделәр.
Укучылар Кукмараның күп транспорт хәрәкәте булган урамнарының берсендә машина йөртүчеләрне җәяүлеләргә юл бирергә, тизлек режимын үтәргә, уяу булырга чакырдылар, ә җәяүлеләрне юлларны җәяүлеләр кичүе аша гына чыгарга, тирә-юньдәгеләргә игътибарлы булырга өндәделәр, буклетлар өләштеләр. .jpg)
«Акция җәмәгатьчелек игътибарын юл хәрәкәте иминлеген тәэмин итү, юл-транспорт һәлакәтләре нәтиҗәсендә үлем һәм имгәнүләрне киметү, юлдагы хокук бозуларга каршы тору проблемаларына җәлеп итүгә юнәлдерелгән. Бүген без юл-транспорт һәлакәтләре корбаннарын искә алабыз һәм аларның гаиләләренең кайгыларын уртаклашабыз», — диде район ЮХИДИ идарәсе җитәкчесе Фирдүс Фәхретдинов..jpg)
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Нет комментариев