Кукмара районында «Җәяүле» кисәтү акциясе бара

29 октябрьгә кадәр районда «Җәяүле» кисәтү акциясе бара. Аның төп максаты – җәяүлеләр катнашында килеп чыгучы бәхетсезлек очракларын кисәтү.

«Быелның тугыз аенда районда 18 юл һәлакәте теркәлде, аларда 3 кешенең гомере өзелде, 20се төрле тән җәрәхәтләре алды. Җәяүлеләр гаебе белән өч фаҗига булды, өч кеше зыян күрде. Җәяүлеләр арасында юлның тиеш булмаган урыныннан, хәтта светофорның кызыл утына да чыгучылар бар. Бәлага юлыкмас өчен ашыкмаска, кагыйдәләрне үтәргә кирәк», - диде район ЮХИДИ начальнигы Фирдүс Фәхретдинов.

Фото: Эльвира Иванова/ «Хезмәт даны»