Район Сабан туе бик ошады, әмма...

Быел Кукмара Сабан туен бик күңелле оештырганнар иде, халык та күп җыелды, көне дә “заказ” буенча булды. Әмма мине борчыган мәсьәләләр бар, шуларны язып үтәсем килә. Без, өлкәнрәк кешеләр, бәйрәмне эскәмияләргә утырып карадык. Менә ничә ел инде көрәш трибуна каршында бара, һәм башкаларга берни дә күренми.  Ә мата кырыена тезелешеп утыручылар көрәшне бөтенләй каплыйлар. Капчык сугышы, чиләкләр белән йөгерү, гер күтәрү уеннары да мәйдан уртасында түгел. Атларны, җайдакларны да күрәсе килә, бар кеше дә басудагы ат чабышын карый алмый бит. Шуңа күрә бүләкләү өлешен булса да уртада оештырсалар яхшы булыр иде. Мәйдан эченнән халык тыз-быз йөреп тора. Элегрәк тәртип сакчылары мәйданга бер чит кешене дә кертмиләр иде. Киләчәктә минем фикерләремә колак салырлар, икенче Сабан туенда үзгәрешләр булыр дип көтеп калам.

Исемемне язмыйм

фото: Эльвира Мөбарәкшина/ "Хезмәт даны"