Кукмарада яшәүче: Автобусның номеры ни өчен аның алдынна гына языла?

Кукмара эчендә йөри торган автобуслар турында иде сүзем. Кагыйдә буенча, аларның алгы, арткы, ян тәрәзәләренә маршрут номеры язылган булырга тиеш. Ә бездә кайсы автобус икәнлеген белү өчен, аның алгы ягына йөгереп чыгып карарга туры килә. Казанда әнә җәмәгать транспортына кагылышлы шушы таләп үтәлә. Ә мин бу хакта АТХ оешмасына ничә тапкыр әйтеп карадым инде, нәтиҗәсе генә юк. ЮХИДИ дә моңа никтер битараф кала.

Салават ХАЛИКОВ, Кукмара

фото: Йолдыз Низамиева/ "Хезмәт даны"