“Форпост” үзәге командасы спартакиадада катнашты

Алабугада “Форпост” мәктәп отрядлары арасында республика хәрби-патриотик спартакиада үткәрелде. Анда районның “Форпост” командасы да катнашты. Алар АК-74 автоматын сүтеп җыю, пневматик мылтыктан ату, идәннән күтәрелү, сугыш кирәк-яраклары белән тартманы күчерү, граната ыргыту, каршылыкларны җиңү, авыруны күчерү һәм чаңгы ярышында көч сынаштылар. Спартакиада нәтиҗәләре буенча Кукмара командасы икенче урынны яулады.
“Пневматик мылтыктан ату”, “АК-74 автоматын сүтеп жыю” ярышында Илназ Шакиров (беренче гимназия), Илназ Бәдегыевлар (күппрофильле лицей) иң яхшылардан булдылар.