«Барс Арена» спорт комплексында өстәл теннисы буенча район башлыгы Кубогына Кукмара районы Беренчелегенең VI этабы үтте

«Барс Арена» спорт комплексында өстәл теннисы буенча район башлыгы Кубогына Кукмара районы Беренчелегенең VI этабы үтте.

Исегезгә төшерәбез, декабрьдә уеннарның финалы узачак, анда иң яхшы 16 уенчы төп бүләк өчен көрәшәчәк.

«Элек теннис уйнау өчен хәзерге кебек мөмкинлекләр юк иде, ракетка урынына фанера белән суктык, — диде район башлыгы Сергей Димитриев. — Соңгы 4-5 елда һәр авыл клубында, мәктәптә өстәл теннисы уйнарга шартлар тудырылды. Моннан тыш, „Зилант“ спорт мәктәбендә, „Барс Арена“ спорткомплексында, „Ялкын“ яшүсмерләр клубында рәхәтләнеп теннис уйнарга була».

Ярышларның баш судьясы Ленар Галиев әйтүенчә, уенда Туембаш, Олыяз авыл җирлекләре һәм Кукмара шәһәре спортчылары бик актив икән.

Уен нәтиҗәләре буенча урыннар түбәндәгечә билгеләнде: Поршур авылыннан Эдуард Трофимов — беренче, Зур Сәрдектән Айгөл Ульданова — икенче, Кукмарадан Данил Белов — өченче.

фото: Йолдыз Гыймадиева/ «Хезмәт даны»