Ялларда Кукмарада яшенле яңгыр көтелә

Бу ялларда Татарстан территориясендә тотрыксыз уртача җылы һава һәм яшенле яңгыр көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Синоптиклар белдергәнчә, һава шартлары төньяк-көнбатыш циклон белән бәйле, якындагы өч тәүлектә һава торышы үзгәрмәячәк.

Яшенле яңгыр вакытында җилнең тизлеге секундына 15-18 метрга кадәр көчәергә мөмкин. Төнлә температура +11 градуска кадәр төшәчәк, көндез +20...+26 җылытачак.

Киләсе атнада һава торышында берникадәр үзгәреш көтелә. «Беренчел фаразлар буенча 16 һәм 17 июльдә республикага төньяк-көнбатыш антициклон йогынтысы таралачак», – дип хәбәр итә метеорологлар.

Кызу көннәр көтелми. Көндез һава температурасы +21...+27 градус булачак. Урыны белән яңгыр явуы көтелә.

Бу хакта тулырак:https://tatar-inform.tatar/news/2019/07/13/189734/