Хәрби пенсионерларны чакырылыш таләпләре нигезендә мобилизацияләргә мөмкиннәр

Яше, сәламәтлеге һәм квалификацион таләпләр буенча тиешле критерийларга туры килгән очракта, хәрби пенсионерларны шәхси мобилизация кысаларында хәрби хезмәткә чакырырга мөмкиннәр. «Объясняем.рф» порталының Telegram-каналында шул хакта хәбәр ителә, дип яза «Татар-информ» МА.

«Сәламәтлеге һәм хәрби-исәп белгечлеге чакырылыш таләпләренә җавап бирсә, хәрби пенсионерлар мобилизация буенча хәрби хезмәткә чакырыла», - диелә хәбәрдә.

Билгеләп үтелгәнчә, әгәр хәрби пенсионер үзен хәрби хезмәткә яраклы дип саный икән, аның «хәрби комиссариатка килеп, мобилизацияләнгән гражданнар сафына кушылу мөмкинлеге бар».

фото: «Татар-информ» МА